பாழாய்ப்போன நினைவு

நுழைவாயிலில் இடதுபுற தூணுக்கு
அடியில்தானே வைத்தேன்?

போன வாரம் போல
வைத்த இடத்தை மறந்து விட்டு
தேட வேண்டிய அவசியம் இருக்காதே?

புதுசு வேற…..
வாங்கி இன்னும் ஒரு மாதம் கூட
ஆகவில்லையே?

முன்னதாகவே போய்விட்டால்
எளிதாகத் தேடி கண்டு பிடித்து விடலாம்.

உட்கார்ந்து இருந்ததென்னவோ
பள்ளிவாயில் ஜும்மா பிரசங்கத்தில்

பாழாய்ப்போன நினைவுகளோ
வெளியில் விட்டு வந்த
புதுஜோடி செருப்பைச் சுற்றியே..!!

#அப்துல்கையூம்